გაკვეთილის გეგმები

გაკვეთილის თემა	სად ცხოვრობენ მხიარული ნოტები?
საგანი	მუსიკა
კლასი	მე-3 კლასი
მოსწავლეთა  რაოდენობა	24
განსაკუთრებული  მიდგომების მოსწავლეთა  რაოდენობა	0
მასწავლებელი	ნონა ტეფნაძე
გაკვეთილის მიზანი  და   შედეგი	მოსწავლეებმა შეძლონ მარტო და სხვებთან ერთად  მღერა. რიტმულ-ინტონაციურ სავარჯიშოებში ახალი მუსიკალური ელემენტების გამოყენების უნარ-ჩვევების განვითარება. სანოტო სისტემის ვიზუალურად  გააზრება -გათავისება შემოქმედებით  პროცესში აქტიური მონაწილეობა.
ეროვნული სასწავლო გეგმით განსაზღვრული მიზნები და შედეგები	გამოხატავს მუსიკის რიტმს ფეხის დარტყმით ხმის, მოძრაობის, ცეკვის, მიმიკის, ჟესტის,თამაშის საშუალებით გამოხატავს ამა თუ იმ განწყობილებას. მოსწავლეს შეუძლია მუსიკალური ენის ნასწავლი ელემენტების ამოცნობა და მათი გამოყენება რიტმულ-ინტონაციურ სავარჯიშოებში
წინასწარ ცოდნა	მოსწავლეებმა  იციან  რამდენი მხიარული ნოტია მუსიკაში და რა ჰქვით  ამ ნოტებს
გაკვეთილის მსვლელობა	A ფაზა/გამოწვევა აქტივობა  1 დრო  -10 წთ მასწავლებელი კითხვა-პასუხის რეჟიმში სვამს კითხვებს განვლილი მასალიდან. აქტივობა 2, დრო-5წ მასწავლებელი აუდიოდისკის საშუალებით ასმენინებს მოსწავლეებს რიჩარდ როჯერსის სიმღერს „დო, რე, მი ‘’, კინოფილმიდან „ მუსიკის ჰანგები’’. აქტივობა 3, დრო-5 წთ მასწავლებელი დაფაზე ავლებს ხუთ ხაზს. მოსწავლეებმა  უნდა დაასახელონ ხაზების რაოდენობა და   გამოიცნონ  რისთვის  გაივლო ხაზები. აქტივობა 4, დრო-10წთ მასწავლებელი სთხოვს ბავშვებს  სწორად გაავლონ ხუთი პარალელური ხაზი და  ხაზებზე დაწერონ ნოტები. B ფაზა/შინაარსის რელიზება აქტივობა 1, დრო-5წთ მაწავლებელი უხსნის ბავშვებს,რომ სწორედ ეს ხუთი ხაზია ნოტების სახლი. აქტივობა 2,დრო-10წთ მოსწავლეები მოსწავლის რვეულში ასრულებენ სავარჯიშოს „ დახატე და გააფერადე ნოტები’’. C ფაზა/ გაკვეთილის შეჯამება მოსწავლეები ინდივიდუალურად „ხატავენ’ ნოტების სახლს.
შეფასება	შეფასებას მოვახდენ წინასწარ შემუშავებული რუბრიკების მიხედვით
რესურსი	მოსწავლის წიგნი- „მუსიკა და ბავშვები’ 3 კლასი             ავტორი მაია ოთიაშვილი მოსწავლის რვეული- მე-3 კლასი ავტორი მაია ოთიაშვილი აუდიოდისკი ფერადი ფანქრები